View Details Një atentat me armë zjarri i mori jetën 28-vjeçarit Klaudio Prendi në orët e para të mëngjesit të së martës në Tiranë. Ai u qëllua me armë zjarri sapo doli nga një lokal në rrugën “Xhanfize Keko”, pranë zonës që njihet si “Kryqëzimi i Oxhakut”.

Gazetari Besar Bajraktaraj ka mësuar se makina e autorëve ka ardhur nga rruga e Freskut. Sapo 28-vjeçari ka dalë nga lokali dhe është futur në mjetin e tij, ata e kanë qëlluar. Plumbat e kanë kapur në kokë dhe kraharor.

Menjëherë autorët janë larguar me shpejtësi dhe mendohet se kanë shkuar në Farkë, pasi aty është gjetur një makinë e djegur. Ndërkohë pasi kanë parë skenën, shokët e viktimës kanë dalë me vrap nga lokali. Ata kanë hipur në makinën e viktimës dhe janë nisur drejt Spitalit të Traumës. Aty i riu nuk mundi t’i mbijetonte plagëve dhe ndërroi jetë.

Kush ishte Klaudio Prendi

Nga të dhënat paraprake që gazetari Besar Bajraktaraj ka mundur të sigurojë nga policia, 28-vjeçari njihej si person problematik, por nuk ka patur konflikte të mëdha.

Kohët e fundit ai kishte disa sherre me persona të tjerë dhe pikërisht këto konflikte po hetohen nga policia. Po ashtu ai nuk kishte shumë kohë që ishte kthyer nga jashtë shtetit dhe hetuesit po verifikojnë aktivitetin që ka kryer jashtë vendit.

Po ashtu ai rezulton si skeduar më herët nga ana e policisë pasi gjatë zgjedhjeve të vitit të shkuar ka qëlluar me armë zjarri në ajër në zonën e Pukës.

“Më pas kanë vijuar procedurat e tjera ligjore, por siç duket nuk ka patur dënim nga ana e autoriteteve, ndoshta nuk është provuar. Megjithatë ka pasur dyshime të arsyeshme policia në atë kohë, për Prendin”, raportoi gazetari Bajraktaraj.

28-vjeçari Prendi është djali i ish-gjyqtarit të Gjykatës së Posaçme, Fran Prendi, i cili pasi u njoftua për ngjarjen mbërriti në vendin ku iu bë atentat të birit.

Fran Prendi ka dhënë dorëheqjen nga funksioni i tij si gjyqtar ne Gjykatën e Posaçme, ndërsa ka shërbyer më herët edhe si gjyqtar në Gjykatën e Krimeve të Rënda në Tiranë ndërsa karrierën e tij e ka filluar në qytetin e Pukës./tvklan.al

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook: https://www.facebook.com/klannews
Follow @klannews on Instagram: https://www.instagram.com/tvklannews/
#KlanNews #KlanNewsLajme #TvKlan